NewsUz.Com. Markaziy saylov komisssiyasi Oliy Majlis Senatining 100 nafar a'zosi ro‘yxatga olinganini ma'lum qildi.  20-22 yanvar kunlari bo‘lib o‘tgan saylov natijalariga ko‘ra, 84ta senator saylangan. Mamlakat Prezidenti Islom Karimovning 22 yanvardagi farmoni bilan esa Senatning qolgan 16 nafar a'zosi tayinlangan. Qonunchilikka ko‘ra, viloyatlar, Toshkent shahri va Qoraqalpog‘iston Respublikasidan oltidan senator saylanadi, Prezident esa o‘n olti nafar senatorni tayinlaydi.

NewsUz.Com. O‘zbekiston Markaziy banki jinoiy faoliyatdan olingan daromadlarni legallashtirish va terrorizmga qarshi kurash to‘g‘ridagi qonunchilikni buzgan banklar uchun jazo choralarini tasdiqladi. Gazeta.uz xabariga ko‘ra, Markaziy bank bunday holat aniqlangan taqdirda ogohlantirish xati beradi yoki bank ustav kapitalining 1 foizi miqdorida jarima oladi. Qonunchilik bo‘yicha bank ustav kapitalining eng kam miqdori 5 mln. yevro.

NewsUz.Com. Osiyo taraqqiyot bankining 43-yillik majlisi joriy yilning 1-4 may kunlari O‘zbekiston poytaxti Toshkentda o‘tadi. Mazkur tadbirda xorijiy davlatlar hukumat rahbarlari, moliya vazirlari, markaziy banklar boshqaruvchilari, ilmiy doira va fuqarolik jamiyati vakillari - jami 3000ga yaqin mehmon ishtirok etadi. Gazeta.uz xabariga ko‘ra, bu OTBning Markaziy Osiyo davlatlarida o‘tkazgan ilk majlisi bo‘ladi. 

NewsUz.Com. GM-Uzbekistan kompaniyasi tomonidan ishlab chiqarilayotgan avtomashinalar bahosi 15 yanvardan yoki 1 fevraldan 12 foizga ko‘tarilishi mumkin. Uzmetronom xabariga ko‘ra, ayni paytda «O‘zavtosanoat» kompaniyasi ichki bozorda eng xaridorgir sanalgan avtomashinalarni oshirish masalasini ko‘rib chiqmoqda. Taxminlarga ko‘ra, eng bozorgir bo‘lib turgan «Matiz», «Nexia» va «Damas» markali mashinalar narxi ko‘tariladi.

NewsUz.Com. O'zbekistonda yangi yil oldi tekshiruvlari doirasida Rossiyaning "Vimm-Bil-Dann" kompaniyasi faoliyati to‘xtatildi. Uzmetronom nashri mazkur xatti-harakat davlat budjetiga pul tushirish maqsadida qilingan degan taxminni ilgari surgan. Sut mahsulotlari, sharbat va mineral suv ishlash chiqaruvchi kompaniyaning «J7», «100 % Gold Premium», «Lyubimiy sad», «Domik v derevne» kabi mahsulotlari O'zbekiston bozorida tarqalgan.

NewsUz.Com. O‘zbekistonda plastik kartochka orqali to‘lov qabul qilishni rad etganlik uchun birinchi marta 2,5 ming dollar, takroriy holatda 5 ming dollargacha jarima solinishi mumkin. Oliy Majlisi Senatining dekabr boshida o‘tgan yalpi majlisida Soliq kodeksiga kiritilgan o‘zgartirishni mana shuni nazarda tutadi. 12.uz sayti xabariga ko‘ra, terminallarning me'yorida ishlamasligi uchun ham javobgarlik belgilangan. Soliq kodeksi 119-moddasiga kiritilgan o‘zgartirishga ko‘ra...

NewsUz.Com. «O‘zbekneftegaz» milliy xolding kompaniyasi va Rossiyaning «Gazprom» kompaniyasi o‘rtasida 2010 yilda o‘zbek gazini eksport qilish to‘g‘risida hujjat imzolandi. Gazeta.uz xabariga ko‘ra, ikki kompaniya o‘zbek gazini tranzit qilish va sotishning asosiy shartlarini kelishib olgan. «Gazprom» so‘nggi yillarda O‘zbekiston tabiiy gazni imtiyozli bahoda xarid qilgan, 2009 yilning 1 yanvaridan esa O‘zbekiston taklifiga ko‘ra Yevropa bozori narxida sotib olmoqda.

NewsUz.Com. «Qirg‘izgaz» kompaniyasi O‘zbekistonga tabiiy gaz uchun qarzining 2,8 mln. dollarini to‘lash niyatini bildirgan. «24.kg» agentligiga ko‘ra, ushbu qarz to‘langanidan keyin Qirg‘izistonning O‘zbekiston oldidagi moliyaviy majburiyati 2 mln. dollarni tashkil etadi. Kompaniya qarzning kelgusi to‘lovi mijozlardan gaz to‘lovi o‘z vaqtida tushishiga bog‘liq ekanini ma'lum qilgan. Avvalroq O‘zbekiston Qirg‘iziston bilan 2010 yil uchun gaz sotib olish borasidagi muzokaralarni rad etgan edi.

NewsUz.Com. O‘zbekiston Afg‘onistonda - Hayraton va Mozori sharif o‘rtasida temir yo‘l qurishga kirishmoqda. Mamlakat rahbari 20 noyabr kuni shu to‘g‘rida qaror imzolagan. Afg‘oniston temir yo‘l infrastrukturasini rivojlantirishga qaratilgan mazkur loyiha Osiyo taraqqiyot banki tomonidan moliyalashtiriladi. «O‘zbekiston temir yo‘llari» davlat aktsiyadorlik kompaniyasi esa loyiha ijrochisi sifatida qurilishni amalga oshiradi.Loyiha uchun 129 mln. dollar sarflanishi kutilmoqda.

NewsUz.Com. O'zbekiston monopoliyadan chiqarish, raqobat va tadbirkorlikni qo‘llab-quvvatlash davlat qo‘mitasi mamlakatdagi veb-saytlardan biriga joylashtirilgan reklama videorolikni oldirib tashladi. Qo‘mitaga ko‘ra, «UCell» savdo markasi bilan xizmat ko‘rsatuvchi «Coscom» kompaniyasi xizmati  reklama qilingan rolikda «Beeline» savdo belgisi ostida xizmat ko‘rsatuvchi «Unitel» kompaniyasi hajv qilingan. Davlat qo‘mitasi buni halol raqobat qoidasi buzilishi deb topgan.