NewsUz.Com. Toshkentdagi jinoyat ishlari bo‘yicha tuman sudlaridan birida "Ilhom" teatri badiiy rahbari Mark Vaylni o‘ldirganlikda ayblanayotgan to‘rt nafar shaxs ustidan sud jarayoni boshlandi. CA-news agentligi tarqatgan xabarga ko‘ra, Tojikiston fuqarosi Yoqub G'afurov, shuningdek, Po‘latov, Sattorov va Rossiya fuqarosi aytilayotgan Ishoqov kabi to‘rt shaxsga ayblov e'lon qilingan. Agar qotillik aybi tasdiqlansa, ularga yigirma yilgacha ozodlikdan mahrum etish jazosi berilishi mumkin.

NewsUz.Com. Toshkent shahri Mirzo Ulug‘bek tumani ichki ishlar boshqarmasining bir necha xodimiga Jinoyat kodeksining 118-moddasi (nomusga tegish) bo‘yicha jinoiy ish qo‘g‘atildi, deb xabar beradi O'zbekiston inson huquqlari "Ezgulik" jamiyati. Mazkur tergov ishini Mirzo Ulug‘bek tumani prokuraturasi olib bormoqda. "Ezgulik"ka ko‘ra, ichki ishlar xodimlari bosqinchilikda ayblanib, hibsga olingan Rayhon Soatovani tergov-surishtiruv davrida zo‘rlagan.

NewsUz.Com. 2009 yili Rossiyada 14 nafar o‘zbek millatchi guruhlar qo‘lida halok bo‘lgan, yana 12 nafari jarohatlangan. Inson huquqlari bo‘yicha Moskva byurosining www.antirasizm.ru saytiga ko‘ra, o‘tgan yil davomida Rossiya bo‘yicha muhojirlarga 218 marta hujut uyushtirilgan va oqibatda 75 kishi halok bo‘lgan, 284 kishi jabrlangan. 2008 yilda esa millatchi guruhlar xuruji oqibatida 120 kishi halok bo‘lgan va 360 kishi turli darajada jarohatlangandi.

NewsUz.Com. Jizzax viloyatida mahalliy banklardan biridan 250 ming dollar miqdorida pul o‘g‘irlagan guruh qo‘lga olindi, deb xabar beradi 12.uz nashri. Ma'lum bo‘lishicha, Jizzax shahrida joylashgan bankni o‘marish operatsiyasini bank xodimlari ham ishtirok etgan. O‘g‘irlik 2009 yilning 6 noyabrida tungi soat 3larda sodir etilgan. Talonchilar qo‘riqchilarini elektroshok yordamida qurolsizlantirib, bank binosiga bostirib kirgan.

NewsUz.Com. Farg‘ona viloyati Qo‘qon shahri jinoyat ishlari sudi axloqsizlik va shaxsning qadr-qimmatini toptash jinoyatini sodir etgan shaxsga 14 yil ozodlikdan mahrum etish jazosini tayinladi. Respublika huquq-tartibot idoralari vakilining ma'lum qilishicha, 2009 yilning mayida nomi oshkor etilmayotgan jinoyatchi o‘z nikohidagi ayolni majburlab yechintirib, Qo‘qon shahri ko‘chalarida olib yurgan va bu holatni o‘z uyali telefoniga tasvirgan tushirgan.

NewsUz.Com. O‘zbekistonda bank xodimlari va rahbarlari tomonidan jinoyat sodir etish holatlari ko‘paygan. Bosh prokuraturaga ko‘ra, joriy yilning sentyabriga qadar bank rahbarlari va xodimlariga nisbatan poraxo‘rlik, hujjatlarni soxtalashtirish, o‘z mansabini suiiste'mol qilish kabi holatlar bilan 194ta jinoiy ish ochilgan. Qonunbuzar bankirlar o‘zlashtirib yuborgan zarar miqdori 2,7 milliard so‘mdan oshadi. "Ravnaqbank" xususiy banki boshqaruvi raisi D.Mahmudov qalbaki hujjatlar tayyorlab...

NewsUz.Com. Jinoyat ishlari bo‘yicha Qashqadaryo viloyati sudi hukmi bilan fuqarolik ishlar bo‘yicha Qarshi tumanlararo sudi sudyasi Haqnazar Islomovni 11,2 yilga ozodlikdan mahrum etildi. Region.uzga ko‘ra, H.Islomov  Mehribonlik uyining sobiq rahbari Xadicha Karimovadan 5000 AQSh dollari miqdorida pora olayotganda qo‘lga olingan. Sudda H.Islomov aybiga iqror bo‘lmagan. Sud hukmiga ko‘ra esa, uning jinoyati inkor etib bo‘lmas dalillar bilan isbotlangan.

NewsUz.Com. Kollektiv xavfsizlik shartnomasi tashkilotiga a'zo davlatlar maxsus xizmatlari o‘tkazgan «Proksi» maxsus operatsiyasi davomida 1700ta jinoiy sayt va 10ta terrorchi internet resurs aniqlandi. Bu haqda tashkilot Bosh kotibi Nikolay Bordyuja bayonot berdi. Bosh kotib axborot maydonidagi tahdidlarga qarshi kurash g‘oyat muhim ekani, shuning uchun tashkilotga a'zo davlatlar bu borada bir-biriga ko‘mak berishi kerakligiga e'tibor qaratgan.

NewsUz.Com. Toshkentlik Timur ismli shaxs Moskvada inson a'zolarini sotishda gumon qilinib qo‘lga olingan. СA-news agentligining rus matbuotiga tayanib yozishicha, 29 yashar ushbu shaxs Internet orqali inson a'zolarini sotishi haqida e'lon bergan. Rossiya huquq idoralari jinoyatni aniqlash uchun go‘yo mijoz bo‘lib  yozishmalar olib borgan. Bir necha oylik yozishmalardan keyin Temur bilan Moskvada ko‘rishishga kelishilgan.

NewsUz.Com. Jinoyat ishlari bo‘yicha Qashqadaryo viloyat sudi Jinoyat kodeksining 210-moddasiga ko`ra poraxo‘rlikda ayblangan sudya Olim Sharopovga o‘n yilga ozodlikdan mahrum etish jazosini tayinladi. 2006 yildan buyon fuqarolik ishlari bo‘yicha Shahrisabz tumanlararo sudi sudyasi vazifasida ishlab kelgan O.Sharopov fuqarolar A. Qosimov va S. Boynazarova o‘rtasidagi uy-joy nizosini hal qili berish uchun pora tariqasida 4 mln. so‘m olgan.