NewsUz.Com. O‘zbekiston bojxona xizmati tomonidan 2009 yil davomida 40 ming qonunbuzarlik holati aniqlangan va 938ta jinoiy ish ochilgan. Bu haqda Bojxona xizmatining yillik hisobotida ma'lum qilinadi. Yil davomida bojxona postlarida 297545 dona yuk deklaratsiyalari rasmiylashtirilgan. Bundan 96317 eksport, 225644 import, 2145 tranzit yuklari hissasiga to‘g‘ri keladi.

Bojxona xizmati tomonidan 899,8 tonna rangli metallar, 326,3 ming tonna yonilg‘i-moy, 394,5 tonna go‘sht va go‘sht mahsulotlari, 126,8 ming litr o‘simlik yog‘i, 600 bosh chorva mollari ushlab qolingan.

Shuningdek, 451,3 kg kuchli ta'sir qiluvchi narkotik moddalar, 40,5 ming psixotrop dori, 5,3 kg porox, 39 dona o‘qotar qurol, 334 patron va pirotexnika vositalarini olib o‘tishga urinishi aniqlangan.

Bojxona xizmati ma'lumotiga ko‘ra, ushlab qolingan noqonuniy tovarlarning umumiy miqdori 45,3 mlrd. so‘mni tashkil etgan.

Shu mavzudagi material:

Boju xiroj miqdori o‘zgaradi. 18.08.2009 y.