NewsUz.Com. 26 yanvar kuni Oliy Majlis Senatining birinchi yig‘ilishi bo‘lib o‘tdi. Markaziy saylov komissiyasi tarqatgan xabarga ko‘ra, 2006 yildan buyon Senat raisi bo‘lib ishlab kelgan Ilgizar Sobirov ushbu lavozimga navbatdagi muddatga saylangan. 51 yoshli I.Sobirov Toshkent davlat universiteti yuridik fakultetini tugatgan, sud va adliya idoralarida ishlagan, Xorazm viloyati Qo‘shko‘pir tumani hokimi bo‘lgan.

Shuningdek, mazkur yig‘inda avval Senat qonunchilik va sud-huquq masalalari qo‘mitasi raisi bo‘lgan Mavjuda Rajabova va Qoraqalpog‘iston Jo‘qorg‘i Kenesi raisi Musa Erniyozov Senat raisining o‘rinbosarlari etib saylangan.

Yangidan saylangan Senat yig‘inida mamlakat prezidenti Islom Karimov ham ishtirok etgan. Yig‘ilishda Senatning oltita qo‘mitasini tashkil etish va ularga rais tayinlash masalasi ham ko‘rilgan.

25 yanvar kuni MSK Senatning 100 nafar a'zosi ro‘yxatga olinganini ma'lum qilgandi.