NewsUz.Com. O'zbekiston Prezidenti Islom Karimov 10-12 fevral kunlari davlat tashrifi bilan Koreya Respublikasida bo‘ladi, deb xabar beradi rasmiy agentlik. Ushbu tashrif Koreya Respublikasi Prezidenti Li Myon Bak taklifi bilan amalga oshirilmoqda. Rasmiy xabarga ko‘ra, tashrif chog‘ida mintaqaviy va xalqaro ahamiyatga oid dolzarb muammolar muhokama qilinadi, ikki tomonlama hujjatlar imzolanadi.

O'tgan hafta Koreya xalqaro aloqalar jamg‘armasi raisi bo‘lib ishlagan Jun Dae Van Koreya Respublikasining O'zbekistondagi yangi elchisi etib tayinlangandi.

O'zbekistonga 2009 yilning mayida Koreya Prezidenti Li Myon Bak tashrif bilan kelgan.

Koreya O'zbekistonning strategik hamkorlardan biri sanaladi. Ma'lumotlarga ko‘ra, Janubiy Koreya O'zbekistonga 2 milliard dollar miqdorida to‘g‘ridan-to‘g‘ri sarmoya kiritgan. Ayni paytda O'zbekistonda Koreya sarmoyasi ishtirokida 351ta korxona faoliyat yuritmoqda.