NewsUz.Com. O'zbekiston milliy teleradiokompaniyasi Media markazi Germaniyaning BFE Studio und Medien Systeme kompaniyasi ishlab chiqargan multimedia uskunalari bilan jihozlanadi. Mashhur Siemens AGning sho‘‘ba korxonasi sanalgan BFE Studio und Medien Systeme tenderda g‘olib chiqqan. Nemis kompaniyasidan sotib olinadigan uskunalar qimmati 12,4 mln yevroni tashkil etadi.

Media markaz vakiliga ko‘ra, nemis kompaniyasi 2011 yilning ikkinchi choragi davomida texnologiyalarni yetkazib beradi.

Gazeta.uz xabariga ko‘ra, 2009 yilning aprelida O'zbekiston Prezidenti Milliy teleradiokompaniya tizimida zamonaviy texnologiyalarni joriy etish chora-tadbirlari to‘g‘risida qaror qabul qilgan. Shunga asosan Toshkentda zamonaviy texnika yordamida milliy televizion serial, badiiy filmlarni tasvirga tushirish bilan shug‘ullanuvchi Media markaz qurila boshlagan. Bu yerda 2ta 1000 kv.m va 2 ta 600 kv.m hajmdagi studiya joylashadi.

BFE Studio und Medien Systeme GmbH 1997 yildan buyon O'zbekiston teleradiokompaniyasiga 122,4 mln dollarlik texnik uskuna yetkazib bergan.

Shu mavzudagi materiallar:

Germaniya tarixiy obidalarni tiklashga ko‘maklashadi. 16.11.2009 y.

O‘zbekistonliklarga Germaniyada o‘qish imkoniyati. 10.06.2009 y.