NewsUz.Com. Toshkentdagi jinoyat ishlari bo‘yicha tuman sudlaridan birida "Ilhom" teatri badiiy rahbari Mark Vaylni o‘ldirganlikda ayblanayotgan to‘rt nafar shaxs ustidan sud jarayoni boshlandi. CA-news agentligi tarqatgan xabarga ko‘ra, Tojikiston fuqarosi Yoqub G'afurov, shuningdek, Po‘latov, Sattorov va Rossiya fuqarosi aytilayotgan Ishoqov kabi to‘rt shaxsga ayblov e'lon qilingan. Agar qotillik aybi tasdiqlansa, ularga yigirma yilgacha ozodlikdan mahrum etish jazosi berilishi mumkin.

Ayrim axborot agentliklariga ko‘ra, cudlanuvchilarga "Ilhom" teatrida namoyish etilgan "Qur'onga taqlid" asari yoqmagan bo‘lishi va qotillikka undagan bo‘lishi mumkin. Shu bilan birga, jinoyatga maishiy masalalar sabab bo‘lgan degan qarash ham bor.

Toshkentdagi "Ilhom" teatrining asoschisi, rejissyor Mark Vayl 2007 yilning 6 sentyabrida o‘ldirib ketilgan. U uyi yaqinida pichoqlangan va shifoxonada vafot etgan.