NewsUz.Com. O'zbekiston Prezidenti Islom Karimov 19 fevral kuni AQShning Afg‘oniston va Pokiston bo‘yicha maxsus vakili Richard Xolbrukni qabul qildi. Gazeta.uz caytining Amerika elchixonasiga tayanib xabar berishicha, uchrashuvda ikki davlatni qiziqtirgan masalalar, jumladan, Afg‘onistonda tinchlik o‘rnatish muhokama qilingan. R.Xolbruk 17 fevraldan buyon Markaziy Osiyo bo‘ylab safarda yuribdi.

Tashrif dasturiga Afg‘oniston, Pokiston, Qirg‘iziston, O'zbekiston, Tojikiston, Turkmaniston va Qozog‘iston davlatlariga safar kiritilgan.

2009 yilning dekabrida O'zbekiston tashqi ishlar vaziri Vladimir Norov boshchiligidagi delegatsiya Vashingtonga borgan va shu tariqa O'zbekiston-Amerika siyosiy muloqotining yangi bosqichi boshlangandi. Vashington vakilining ushbu tashrifi ham mazkur siyosiy muloqotlar doirasida amalga oshirilmoqda.

Richard Xolbruk 2009 yilning yanvarida AQShning Afg‘oniston va Pokiston bo‘yicha maxsus vakili etib tayinlangan.