NewsUz.Com. Farg‘ona viloyatida balog‘atga yetmagan qizni nikohiga olgan yigitlarni javobgarlikka tortish holatlari qayd etilmoqda. O‘zbekiston Bosh prokuraturasi tarqatgan xabarga ko‘ra, 23 yoshli D.Zokirov 14,5 yoshli B.Qo‘zievani, 21 yoshli A.Abdurazzoqov 15 yoshli Sh.Mo‘minovani nikohiga olgani - uylangani uchun javobgarlikka tortilgan. Har ikki fuqaro mamlakat Jinoyat kodeksining 128-moddasi bo‘yicha aybdor deb topilgan.

NewsUz.Com. O'zbekiston xalq artisti Yulduz Usmonova va Boney-M ishtirokida 31 dekabr kuni Toshkentdagi "Sayohat" mehmonxonasida o‘tadigan konsert chiptasi 1 million 50 ming so‘m. Shov-shuv.uz sayti xabariga ko‘ra, mazkur konsert uchun Yulduz Usmonovaga 15 ming yevro gonorar beriladi. O'zbekistonda xizmat ko‘rsatgan artist Ozodbek Nazarbekov esa 31 dekabr kuni ikkita restoranda beradigan konserti uchun 3500 dollar haq oladi. Ayni paytda...

NewsUz.Com. Jizzax viloyatida mahalliy banklardan biridan 250 ming dollar miqdorida pul o‘g‘irlagan guruh qo‘lga olindi, deb xabar beradi 12.uz nashri. Ma'lum bo‘lishicha, Jizzax shahrida joylashgan bankni o‘marish operatsiyasini bank xodimlari ham ishtirok etgan. O‘g‘irlik 2009 yilning 6 noyabrida tungi soat 3larda sodir etilgan. Talonchilar qo‘riqchilarini elektroshok yordamida qurolsizlantirib, bank binosiga bostirib kirgan.

NewsUz.Com. Rossiyada 2010 yildan spirtli ichimlik va dori-darmon savdosida xorijiy ishchi kuchidan foydalanilish taqiqlanadi. BBCga ko‘ra,  mazkur taqiq Rossiyada mehnat muhojirlarining ish topishlarini yanada qiyinlashtirishi mumkin. Shu paytga qadar mazkur sohalarda 40 foizga yaqin xorijiy fuqaro ishlashiga ruxsat berilgan. Avvalroq Rossiya hukumati 2010 yilda mehnat muhojirlariga ajratilgan kvotani ikki barobarga qisqartirgan va ikki million nafar deb belgilagandi.

NewsUz.Com. O‘zbekiston Prezidenti Islom Karimov Ma'muriy javobgarlik kodeksiga o‘zgartirish kiritish to‘g‘risidagi qonunni imzoladi, deb xabar beradi Trend agentligi. Bunga ko‘ra, mehnatni muhofaza qilish qonunchiligini buzib voyaga yetmaganlarni majburiy mehnatga jalb etgan amaldorlarga  eng kam oylik ish haqining 5 baravaridan 10 baravarigacha jarima solinishi mumkin. Eslatib o‘tamiz, joriy yilning 1 dekabridan mamlakatda eng kam oylik ish haqi 37680 so‘m.

NewsUz.Com. 22 dekabr kuni Rossiya Tashqi ishlar vaziri Sergey Lavrovni O‘zbekiston Prezidenti Islom Karimov qabul qilgan. Rasmiy agentlik xabarida uchrashuv tafsilotlari qayd etilmagan. Izvestiya.ruga ko‘ra, I.Karimov mazkur safarni "o‘z vaqtida uyushtirilgan va uzoq kutilgan" tashrif deb baholagan. "O‘zbekiston - Rossiya uchun ochiq" degan I. Karimov. Shuningdek, u ikki tomonlama munosabatlarda depsinishlarni keltirib chiqargan masalalarni muhokama etish zaruratiga urg‘u bergan.

NewsUz.Com. 2010 yilda O'zbekiston Advokatlar palatasi binosini kapital ta'mirdan chiqarish uchun 820 million so‘m ajratiladi. Bu borada Vazirlar Mahkamasi 2009 yil 9 dekabrda qaror qabul qilgan. Mazkur hujjatga ko‘ra, palatani ta'mirlash uchun mablag‘ sud va adliya idoralarini rivojlantirish jamg‘armasidan ajratiladi. Kuzatuvchilarga ko‘ra, bu holat mustaqil advokatura institutining tobeligini yanada oshirishi mumkin.

NewsUz.Com. 21 dekabr kuni O'zbekiston xalq yozuvchisi Odil Yoqubov 83 yoshida vafot etdi. Salomatligi keskin yomonlashgan adib bir necha marta shifoxonalarda yotib chiqqan. Uning vafoti munosabati bilan mamlakat prezident  va boshqa rasmiylar nomidan ta'ziyanoma e'lon qilingan. 1990-yillarda mamlakat ijtimoiy-siyosiy hayotida faol ishtirok etgan Odil Yoqubov so‘nggi vaqtlarda ommaviy axborot vositalarida deyarli chiqish qilmay qo‘ygandi.

NewsUz.Com. O‘zbekistonda plastik kartochka orqali to‘lov qabul qilishni rad etganlik uchun birinchi marta 2,5 ming dollar, takroriy holatda 5 ming dollargacha jarima solinishi mumkin. Oliy Majlisi Senatining dekabr boshida o‘tgan yalpi majlisida Soliq kodeksiga kiritilgan o‘zgartirishni mana shuni nazarda tutadi. 12.uz sayti xabariga ko‘ra, terminallarning me'yorida ishlamasligi uchun ham javobgarlik belgilangan. Soliq kodeksi 119-moddasiga kiritilgan o‘zgartirishga ko‘ra...

NewsUz.Com. Markaziy saylov komissiyasi joriy yilning 27 dekabri kuni o‘tadigan parlament va mahalliy kengashlar saylovi xususida uyali aloqa kompaniyalari orqali SMS (Short Message Service) yuboradi. Mobil xabarnoma 24 va 26 dekabr kunlari butun O'zbekiston bo‘yicha yo‘llanadi. Hisob-kitoblarga ko‘ra, 16 mln. fuqaro mobil ogohlantirish olishi kutilmoqda. Mazkur sanoqqa saylov yoshiga yetmagan, ya'ni 18 yoshga yetmagan fuqarolar ham kiradi, albatta.

NewsUz.Com. 21 dekabr kuni Toshkentga  Rossiya Tashqi ishlar vaziri Sergey Lavrov rasmiy tashrif bilan keladi. Axborot agentliklari Rossiya elchixonasiga tayanib xabar berishicha, u O'zbekiston tomonidan taklif etilgan. Tashrif davomida hamkorlikka oid masalalar, jumladan, Moskvada 2010 yil boshida o‘tadigan O'zbekiston-Rossiya sammitiga tayyorgarlik ko‘rib chiqiladi. Bu S.Lavrovning O'zbekistonga 2005 yil oktyabrdan keyingi ikkinchi safari.

NewsUz.Com. Shveytsariya hukumatining Guantanamo qamoqxonasida saqlangan o‘zbek mahbusini qabul qilishga rozilik bergani mamlakatda turli munozaralarga sabab bo‘lmoqda, deb yozadi Shveytsariyada rus tilida chop etiluvchi "Nasha gazeta" nashri. Federal kengashi bir necha kun oldin o‘zbek mahbusini qabul qilish borasida AQSh bilan shartnoma imzolashgan hozirligini bildirgan. Ismi oshkor etilmayotgan o‘zbek mahbusi terrorchilikka mutlaqo aloqasi yo‘qliginini bildirgan.