ABR O'zbekistonga pastuglerodli iqtisodiyotga o'tish va boshqa yashil islohotlar uchun 250 million dollar kredit ajratadi.

Mablag'lar uchta sohada islohotlarga sarflanadi – davlat moliyalashtirishini boshqarish, iqlim o'zgarishiga chidamlilikni oshirish va transport va energetikada past uglerodli iqtisodiyotga o'tishni tezlashtirish. Bu Markaziy Osiyoda iqlim o'zgarishiga qarshi kurash bo'yicha ADBning birinchi dasturiy chorasi bo'ladi.

"Dastur iqtisodiyotning dekarbonizatsiyasiga va tabiiy ofatlarga va iqlim o'zgarishiga chidamlilikni oshirishga ustuvorlik beradi, shu bilan birga, zaif qatlamlarga yordam ko'rsatadi", – deya ta'kidladi ADBning Markaziy va G'arbiy Osiyo bo'yicha bosh direktori Yevgeniy Zhukov.

Uning so'zlariga ko'ra, issiqxona gazlari chiqindilarini kamaytirish qayta tiklanuvchi energiya manbalarini rivojlantirish va energiya samaradorligini oshirish orqali amalga oshiriladi.

"O'zbekistonning suv resurslari iqlim o'zgarishi va samarasiz foydalanish tufayli jiddiy tahdidlarga duch kelmoqda. Dastur iqlim o'zgarishini inobatga olgan holda irrigatsiya tizimlarini modernizatsiyalash va suv resurslarini aqlli boshqarish uchun investitsiyalarni qo'llab-quvvatlaydigan qonunchilikni qabul qilishni rag'batlantiradi, bu esa suv xavfsizligini ta'minlash va zaif ekosistemalarga tahdid solayotgan cho'lga aylanish jarayoni bilan kurashishga yordam beradi", – qo'shimcha qildi O'zbekistondagi ADB doimiy vakolatxonasining direktori Kanokpan Lao-Araiya.

O'zbekiston 1995 yilda ADBga qo'shildi. O'shandan beri bank mamlakatga 12,5 milliard dollar miqdorida kreditlar, grantlar va texnik yordam ko'rsatdi.