Buddist yodgorligi pulda madaniy merosni ifodalaydi, diniy emas. — Surxondaryo hokimiyati

Ijtimoiy tarmoqlarda Termiz tumanidagi Foyaztepa yodgorligi hududida olingan video tarqaldi. Videoda blogger va uning tanishi buddist obyekti tasvirining milliy valyutada bo'lishi qabul qilinmasligini ta'kidladilar.

Surxondaryo viloyati hokimiyatining matbuot xizmatida (https://t.me/axborot_xizmati/41479) aytishlaricha, o'zbek so'mi davlat ramzlaridan biridir.

«Pul belgilari ustidagi tasvirlar, shakllar va naqshlar O'zbekistonning boy tarixiy merosini, milliy an'analarini va urf-odatlarini aks ettiradi. Foyaztepa yodgorligining 50 000 so'mlik pulda tasvirlanishi diniy maqsadlarni ko'zlamaydi. Bu mamlakatning madaniy merosini saqlash, uning boy tarixiga hurmat ko'rsatish va turizmni rivojlantirishga qaratilgan», - deb yozilgan xabarda.