Rossiya mudofaa vaziri O'zbekistonga tashrif buyurdi.

Rossiya Federatsiyasining Mudofaa vaziri Andrey Belousov rasmiy tashrif bilan O'zbekiston poytaxti Toshkent shahriga keldi. Bu haqda rossiyalik axborot agentligi "RIA Novosti" xabar berdi.

Rossiya Federatsiyasining Mudofaa vazirligidan ma'lum qilinishicha, harbiy idora rahbari O'zbekiston Respublikasi Mudofaa vaziri Shuxrat Xalmuhamedov bilan muzokaralar olib boradi.

Shuningdek, Andrey Belousov O'zbekistonning harbiy-siyosiy rahbariyati bilan uchrashuvlar o'tkazadi.

Muzokaralarda Markaziy Osiyo mintaqasida xavfsizlikni ta'minlash va Rossiya bilan O'zbekiston o'rtasidagi ikki tomonlama harbiy va harbiy-texnik hamkorlikni kengaytirish masalalari markaziy o'rin egallaydi.

E'tiborga molik jihat shundaki, Rossiya mudofaa vazirining O'zbekistonga tashrifi ijtimoiy tarmoqlarda ko'p munozaralarga sabab bo'ldi. Bir qator siyosatshunoslar O'zbekiston va Rossiya xavfsizlik masalalarida hamkorlikni mustahkamlashayotganini va bunday tashriflar kam uchramasligini ta'kidladilar.

Eslatib o'tamiz, avvalroq O'zbekistonning Rossiya bilan iqtisodiy aloqalarini mustahkamlash haqida xabar berilgan edi. Rossiya 2024 yilda O'zbekistonga pul o'tkazmalarida yetakchi bo'lib qoldi. O'tgan yili Rossiyadan O'zbekistonga 11,5 milliard dollar o'tkazilgan.