Jahon banki moliya sektori missiyasi vakillari bilan uchrashuv bo'lib o'tdi.

Uchrashuv davomida moliya sektorida amalga oshirilayotgan islohotlar, ularning o‘rta muddatli natijalari, ijro jarayoni va keyingi bosqichlardagi ustuvor yo‘nalishlar muhokama qilindi.

Jahon Banki vakillari O‘zbekistondagi davlat banklarini xususiylashtirish jarayonini qo‘llab-quvvatlashning ahamiyatini ta'kidladilar va bu sohada hamkorlikni kuchaytirish zarurligini qayd etdilar.

Moliya sohasida kadrlarni tayyorlashga, Bank-moliya akademiyasining salohiyatini rivojlantirishga, shuningdek, davlat banklari xodimlari uchun maxsus o‘quv kurslarini tashkil etishga alohida e'tibor qaratildi.

Jahon Banki ekspertlari bunday tashabbuslarning soha mutaxassislarining malakasini oshirishdagi ahamiyatini ta'kidladilar.

Boshqa muhokama qilingan masalalar orasida moliya sektorining raqamli transformatsiyasi va sug‘urta bozorining rivojlanishi mavjud.

Uchrashuv yakunlari bo‘yicha tomonlar hamkorlikni mustahkamlash va birgalikda harakatlar rejasini ishlab chiqishga kelishib oldilar.